09 okt 2020
Nunatta Eqqartuussisuuneqarfia
Kinguaassiuutitigut atoqateqarsimasutut pinngitsuutinneqarpoq - K 010/19
Angut 58-inik ukiulik Qeqqata Eqqartuussivianit eqqartuuneqarpoq inissiisarfimmut inissinneqarnermik ukiuni pingasuni amerlassusii ilisimaneqanngitsunik kannguttaatsuliortarsimasutut
kiisalu panissaminik arfineq-pingasuniik 15-illu akornanni ukioqarnerani kujanninnermik allaanerusumik kinguaassiuutitigut atoqateqartarsimasutut. Tamatuma saniatigut pisuutinneqarpoq panissaminik kujannissimasutut, taamani taamaallaat arfineq-pingasunik ukioqartoq. Eqqartuunneqarpoq mitagaasimanermut taarsiivigissagaa 150.000 koruuninik. Eqqartuussiviup aalajangiinermini pingaartutut isigaa ilisimannittup nassuiaataa aamma unnerluutigisaq nalunaarutiginninnerup kingorna pinerlisamut allassimammart utoqqatserluni.
Eqqartuussiviup eqqartuussutaa unnerluutigisamit suliareqqitassanngortinneqarpoq pinngitsuutitaanissani piumasaqaatigalugu.
Eqqartuussisuuneqarfiup inerniliinera
Eqqartuussisuuneqarfiup unnerluutigisaq unnerluussutigineqartunit tamanit pinngitsuutippaa taamaalillunilu uppernarsaatissaqanngitsoq unnerluutigisap pinngitsaaliilluni niviarsiaraq atoqatigisimagaa, kannguttaattuliorfigisimagaa imaluunniit kujanninnermik allaanerusumik kinguaassiuutitigut atoqatigisimagaa. Eqqartuussisuuneqarfiup taamaalilluni pingaartutut isigaa, pinerlisap nassuiaataani pingaarutilitsigut imminut atasuunnginnera nalornisooruteqartorlu, tamatumani eqqartuussisuuneqarfik isumaqarpoq pinerlisap atoqatiginnissimaneragaanermut tunngasumik nassuiaataa uppernanngitsoq. Eqqartuussisuuneqarfiup tamatuma saniatigut pingaaruteqarluinnartutut isigaa, unnerluutigisap paniviata eqqartuussinermi nassuiaammat, pinerlisap eqqunngitsuliorfigineqarnerminut tunngasumik nassuiaataa assigulluinnarmat, ilisimannittup angutissaminik pineqartarsimanerminut, ilisimannittullu pinerlisaq tamakkuninnga oqaluttuussimagamiuk.
Aalajangiinerup ullua
Eqqartuussut Nunatta Eqqartuussisuuneqarfianit oqaatigineqarpoq ulloq 4. oktobari 2019.
Suliap normua: K 010/19
Nunatta eqqartuussisuuneqarfiata eqqartuussutaa
Qeqqata eqqartuussiviata eqqartuussutaa