06 jul 2023
Nunatta Eqqartuussisuuneqarfia
Unnerluunneqartoq pinngitsuutinneqarpoq - K 097/23
Angut 44-nik ukiulik eqqartuunneqarpoq ukiuni marlunni pineqaatissinneqarsimasunut inissiisarfimmiittussanngortitsinissaq aammalu sapaatip akunneri sisamat qaangiutsinnagit 100.000 kr. meeqqamut akilissagai. Tassani pineqarmat nammineq meerarisamik tallimanik ukiulimmik pinngitsaaliineq.
Eqqartuussissut Nunatta Eqqartuussisuuneqarfianit oqaatigineqarpoq ulloq 6. juli 2023.
Unnerluutigineqartoq pisuunnginnerarpoq. Ilisimannittut assigiimmik nassuiaateqarput ilisimasaqarfiginagu pisimasoq unnerluussissutaasumi pineqartoq pillugu.
Pineqartup niviarsiaqqap videokkut apersorneqareerneranit eqqartuussisuuneqarfik isumaqanngilaq, nassuiaatigineqartoq ima ersarissumik nalorninartsigisoq, taanna kisimiitillugu pinerluttulerinermik suliami eqqartuussutitut tunngavigineqarsinnaalluni. Taamaalilluni, aamma ilisimannittup nassuiaataa allanngortitsissutaasinnaanngimmat, uppernarsineqanngilaq unnerluutigineqartup panini pinngitsaalisimagaa allatulluunniit kinguaassiutaatigut atoqatigisimagaa pinerluttulerinermik inatsimmi § 77, imm. 2 malillugu, (taamanikkut atuuttoq § 77, imm. 1. nr. 1, tak. § 79, tak. § 74), taamaattumik unnerluutigineqartoq pinngitsuutinneqarpoq.
Suliap normua: K 097/23
Eqqartuussissutit nassuiaatillu