19 jul 2023
Nunatta Eqqartuussisuuneqarfia
Unnerluutigineqartoq pinngitsuutinneqarpoq - K 158/23
Angut 41-nik ukiulik eqqartuunneqarpoq qaaammatini sisamani pineqaatissinneqarsimasut inissiisarfianiittussanngortinneqarluni. Angutip arnaq atoqatigisimagamiuk piffimmilu tassani imigassartorsimagami (annertussusaa ilisimaneqanngilaq) pisumut akerlileeriarsimasinnaanani.
Eqqartuussissut Nunatta Eqqartuussisuuneqarfianit oqaatigineqarpoq ulloq 19. juli 2023.
Unnerluutigineqartup aamma ilisimannittup pingaarnertigut assigiimmik pisimasup qanoq pisimanera nassuiaatigivaat. Nassuiaasoqareerneratigut tunngavigineqarpoq, arnaq pineqartoq aalakoortorujussuulluni unnerluutigineqartup inaani sofami sinilersimasoq, tamatumalu kingornatigut unnerluutigineqartup kivillugu siniffimminukaassimavaa, tassanilu sininnini nangissimallugu. Piffissap ilaani aamma unnerluutigineqartoq siniffimmut innarsimavoq, aamma taanna sinilersimavoq. Piffissap sivisussusia ilisimaneqanngitsup qaangiunneratigut unnerluutigineqartoq aamma arnaq pineqartoq sinereerlutik, unnerluutigineqartup atoqatigiinneq aallartissimavaa. Arnaq sukkulluunniit unnerluutigineqartup kinguaassiutitigut atoqatiginninneranut piumanngissimanngilaq, naak arlaleriarluni pisup nalaani itertaraluarluni, siullermik unnerluutigineqartumit atisaajarneqarnermini. Arnaq nassuiaavoq, atoqatiginninneq akerliliiffigisimanagu ilaatigut ilaakoorami aamma akornatigut eqqumannginnami, kisianni annilaangagami unnerluutigineqartup qisuariaatissaanut.
Pissutsit taamaannerisigut eqqartuussisuuneqarfik isumaqarpoq, qularnaatsumik upernarsineqanngimmat, eqqartuussutigissallugu pisarialimmik, unnerluutigineqartup paasinnissimanera, arnaq pisumut akiuuteriarsinnaannginneranut atoqatigiinnermi, taamaattumik uppernarsineqanngilaq, piaaraluni pinngitsaaliisimasoq unnerluussissummi allaaserineqartutut.
Taamaalilluni unnerluutigineqartoq pinngitsuutinneqarpoq.
Suliap normua: K 158/23