11 aug 2023
Nunatta Eqqartuussisuuneqarfia
Ulluni 60-ini inissiisarfimmiittussanngortillugu - K 150/23
Angut 33-nik ukiulik eqqartuunneqarpoq eqqartuunneqarpoq ukiumi ataatsimi qaammatinilu qulini pineqaatissinneqarsimasunut inissiisarfimmiittussanngortinneqarnermik, arnaq pinngitsaalillugu atoqatigisimavaa, arnaq skizofreniimik nappaateqartoq aamma eqqarsartaatsimigut 12-13-nik ukiulittut ittoq.
Eqqartuussissut Nunatta Eqqartuussisuuneqarfianit oqaatigineqarpoq ulloq 11. august 2023.
Unnerluutigineqartup ulloq 9. marsi 2021 arnaq pineqartoq atoqateqarsimanera assortorneqarsinnaanngilaq.
Ulloq 10. marsi 2021 Nuummi tarnimikkut nappaatilinnut immikkoortortaqarfimmit oqaaseqaatit imarisaat malillugit allassimammat arnaq isummakkut nappaatigalugu avissimasutut ilisartoq (Skizofreni), aalajangersimasuunngitsoq (uspecificeret), aamma Inferrioritas intellektualis/ineriartornikkut akornguteqartoq isumakkullu 12-13 ukioqartutut ittoq nunatta eqqartuussisuuneqarfiata tunngavissaqartippaa arnaq pinerluttulerinermi inatsimmi § 78, imm. 1-imi inunnut eqimattanut ilaasoq.
Ilisimannittup, nakorsap nassuiaanera malillugu nunatta eqqartuussisuuneqarfiata aamma tunngavissaqartippaa inuit arnamik ilisarisimanninngitsut allaaneruneranik paasinninnissaannut piffissaq sivisulaartoq ingerlasinnaasoq aamma poqiitsuunngimmat tarnikkullu peruluttuunngimmat isummamigut ukiui maluginiarneqarsinnaanngilluinnangajattut.
Unnerluutigineqartup nassuiaataa, arnap nassuiaatanit taperserneqartoq, malillugu tunngavilerneqarsinnaavoq arnaq unnerluutigineqartorlu ulloq 9. marsi 2021 sioqqullugu meeraallutik ikittoriaannarlutik takusimasut aamma unnerluutigineqartoq arnap isumakkut innarluutaanik ilisimasaqarnerunngitsoq. Tamanna tunngavigalugu, aamma attaveqaqatigiinnerup uppernarsarneqartup imarisaa aamma arnap pissusilersornerata allanngortinneqarsinnaannginnera pissutigalugit eqqartuussivik isumaqarpoq unnerluussisuussaatitaasut suliassiissummi pillaatissartalimmi eqqartuussummi naammaginartumik isumannaatsumik uppernarsarsimanngikkaat unnerluutigineqartoq atoqatigiinneq sioqqullugu arnap isumakkut innarluuteqarneranik ilisimasaqartoq ilisimasaqartariaqartorluunniit taamaalillunilu piaaraluni pinerluttulerinermik inatsimmi § 78, imm. 1-imik unioqqutitsiniartoq. Nunatta eqqartuussisuuneqarfiata taamaattumik unnerluutigineqartoq pisimasumi 1-imi pinngitsuutippaa. Mitaagineqarneq pillugu taartisiassanik piumasaqarneq tamanna tunngavigalugu malinneqanngilaq.
Taamaattumik nunatta eqqartuussisuuneqarfiata eqqartuussisoqarfiup eqqartuussutaa allanngortippaa ulluni 60-ini inissiisarfimmiititsinermut apparlugu.
Eqqartuussisoqarfiup eqqartuussutaa allanngortinneqarpoq unnerluutigineqartoq ulluni 60-ini inissiisarfimmiittussanngortillugu.
Suliap normua: K 150/23
Eqqartuussissutit nassuiaatillu