01 sep 2022
Nunatta Eqqartuussisuuneqarfia
Eqqartuussisoqarfiup eqqartuussutaa allanngortinneqarpoq - K 092/22
Angutit inuusuttut marluk eqqartuunneqarput unnerluutigineqartoq siulleq qaammatini arfineq pingasuni pineqaatissinneqarsimasunut inissiisarfimmiittussanngortinneqarnermik. Unnerluutigineqartullu aappaa aningaasarsiaqarani inuiaqatigiinni sulisitaassaaq nalunaaquttap akunneri 80-t.
Eqqartuussissut Nunatta Eqqartuussisuuneqarfianit oqaatigineqarpoq ulloq 1. september 2021.
Eqqartuussisoqarfiup eqqartuussutaa allanngortinneqarpoq, taamaalilluni pineqaatissiissut unnerluutigineqartumut siullermut aalajangersarneqarpoq qaammatini arfineq pingasuni pineqaatissinneqarsimasunut inissiisarfimmiittussanngortinneqarnermik.
Eqqartuussisoqarfiup eqqartuussutaa pisinnaatitaaffimmik arsaarinninnermi, arsaarinnissutinut aamma taarsiissutissanut atuutussanngortinneqarpoq, taamaatut imatut allannguusikkamik, arnamut taarsiissutissat qaffanneqarlutik katillugit 5.150 kr.-inut.
Eqqartuussisoqarfiup eqqartuussutaa allanngortinneqarpoq, taamaalilluni unnerluutigineqartup aappaanut pineqaatissiissut allanngortinneqarluni imatut, unnerluutigineqartoq Pinerluttunik Isumaginnittoqarfiup aalajangersagai naapertorlugit aningaasarsiaqarani inuiaqatigiinni sulisitaassaaq nalunaaquttap akunneri 80-t. Sulisussaatitaanermik aalajangersagaq naammassineqassaaq sivisunerpaaffiliussaq qaammatit arfinillit ingerlaneranni, aamma unnerluutigineqartoq nakkutigineqassaaq ukiumi ataatsimi.
Unnerluutigineqartup akilissavai ilassutitut akiligassiissutit 15.500 kr.
Eqqartuussisoqarfiup eqqartuussutaa atuuttussanngortinneqarpoq pisinnaatitaaffimmik arsaarinninnermi imatut allannguuserlugu, umiarsuarmik ingerlatsisinnaanermi arsaarinninneq imaluunniit aquttut imaluunniit maskinmesteritut sulisinnaanermi misiligaaffiliussaq aalajangersarneqarpoq ukiunut pingasunut.
Eqqartuussisoqarfiup aalajangersagaa arsaarinninnermut aamma taarsiissutissanut tunngasoq atuuttussanngortinneqarpoq.
Suliap normua: K 092/22
Eqqartuussissutit nassuiaatillu