14 aug 2020
Nunatta Eqqartuussisuuneqarfia
Suliaq toqumik kinguneqartumik nakuusernermut tunngasoq - K 226/19
Angut 49-nik ukiulik Sermersuup Eqqartuussiviani eqqartuunneqarpoq qaammatini 8-ni inissiisarfimmiittussanngorlugu pinerluffigineqartoq isimmittarsimagamiuk amerlassusai ilisimaneqanngitsunik timaatigut taamaalillugu, pinerluffigineqartoq Island-imut aallarunneqartariaqalersillugu
aallarunneqartariaqalersillugu ulloq 10. april 2017 toquneranik kinguneqartumik, ilaatigut ulloq 25. marts 2017 nakuuserfigineqarnermini ajoqquserneqarnermi kingunerisaanik aammalu naamini ikiminik ammasoqarnini qaratsaminillu ajoqqusersimanerminik qanoq pisimaneranik nalunartumik peqquteqartumik.
Eqqartuussivimmi eqqartuussut unnerluussisussaatitaasunit atorunnaarsinneqarnissaa piumasarineqarpoq, uterteqquneqarluni aallaqqaataaniit suliarisassanngorteqquneqarluni. Unnerluutigineqartup tamanna taperserpaa.
Nunatta eqqartuussisuuneqarfiata inerniliinera
Nunatta eqqartuussisuuneqarfiata maluginiarpaa, eqqartuussisuusup sassartitsinermi, unnerluutigineqartup sassartinneqarnerani, aalajangiisimasoq tigummigallagassanngortitsilluni eqqartuussisarnermi inatsimmi § 359, imm. 2 tunngavigalugu, immikkut qularnaallisillugu isumaqartoqarmat toqutsunermut pisuusimasoq, allatulluunniit nakuusernera toqumik kinguneqarsimasoq. Eqqartuunneqartoq sassartinneqarnermini eqqartuussinermilu ulloq 22. juli 2019-mi ingerlanneqartumi unnerluussummut pisuunnginnerannaavippoq.
Eqqartuussisarnermi inatsit § 50, imm. 1 toqqaannartumik ima allaqqavoq, arlaannaalluunniit eqqartuussisutut peqataassanngilaq, pineqartoq taanna unnerluussutaasoq pillugu unnerluutigisap § 359, imm. 2 malillugu tigummigallarneqarnissaanik aalajangiffiginnisimaguni, nunatta eqqartuussisuuneqarfiata paasivaa eqqartuussisoq suliap pingaarnertut suliarineqarnerani peqataasimasussaanngikkaluartoq.
Nunatta eqqartuussisuuneqarfiata ilanngullugu paasivaa, suliami peqataasinnaannginnermut tunngasoq eqqumaffiginngitsoorneqarsimasoq, eqqartussutilli atorunnaarsinneqarnissaanik suliallu suliareqqinneqartussanngorlugu eqqartuussivimmut utertitsineqarnera eqqartuussivimmit malinneqallaqqunaqaaq.
Aalajangiinerup ullua
Eqqartuussut Nunatta Eqqartuussisuuneqarfianit oqaatigineqarpoq ulloq 12. november 2019.
Suliap normua: K 226/19
Nunatta Eqqartuussisuuneqarfiata eqqartuussutaa
Sermersuup eqqartuussiviata eqqartuussutaa