28 feb 2020
Nunatta Eqqartuussisuuneqarfia
Eqqartuussisoqarfiup eqqartuussutaa atuuttussanngortinneqarpoq - K 034/19
Angut 32-nik ukiulik Qeqqata Eqqartuussivianit eqqarruunneqarpoq Ukiumi ataatsimi qaammatinilu pingasuni pineqaatissinneqarsimasut inissiisarfimmiittussanngortinneqarpoq, akornani isertitaqarsimalluni katillugit 1.467.829,00 kroninik, aammalu pisimasut aappaanni arnaq atoqatigeriaraluarsimallugu.
Eqqartuussissut Nunatta Eqqartuussisuuneqarfianit oqaatigineqarpoq ulloq 28. februar 2020.
Suliap pisimasuata aappaani eqqartuussisuuneqarfik isumaqarpoq arnap nassuiaataa tunngavigineqartariaqartoq, tassa ullormi 5. april 2017-imi unnerluutigineqartoq angerlarsimaffianut ilagisimagamiuk, aammalu nammineq piumassutsiminik najugaanut inissiamut ilagisimallugu. Assortorneqarsinnaanngilaq arnap oqaatigisimammagu unnerluutigineqartup atoqatigerusunnginnera, aammalu iliuuserisani piffissap ilaani unitsissimammagu sinilerlunilu. Sinilertinnanili, tassani arnap nassuiaataa tunngavigineqartariaqarpoq, unnerluutigineqartup siniffimmut ajassimavaa atisaajarniarsaralugu piumanngitsoq atoqatiginiarsaralugu. Pissutsini taamaattuni unnerluutigineqartup pisimasup aappaani pinngitsaaleeriarnermut pisuutinneqarpoq.
Eqqartuussisoqarfiup tunngavilersuutai tunngavigalugit, aamma unnerluutigineqartoq siusinnerusukkut pineqatissinneqarnikuummat aanngaajaarniutit pillugit inatsimmik unioqqutitsinermi, eqqartuussisoqarfiup pineqaatissiissummik aalajangersagaa atuuttussanngortinneqarpoq, tassunga ilanngullugit arsaarinninnerit
Eqqartuussisoqarfiup eqqartuussutaa atuuttussanngortinneqarpoq.
Unnerluutigineqartoq suliami suliareqqitassanngortitami illersuisup aningaasarsiassaanut aningaasartuutit akilissavai.
Suliap normua: K 034/19
Qeqqata eqqartuussiviata eqqartuussissutaa
Nunatta Eqqartuussisuuneqarfiata eqqartuussissutaa