01 okt 2021
Nunatta Eqqartuussisuuneqarfia
Pineqaatissiineq attatiinnarneqarpoq - K 113/20
Eqqartuussaq 2015-imi 19-inik ukioqarluni tarnimikkut napparsimasut napparsimavianni nakuusersimanerminut, siorasaarisimanermut aamma akuerineqarani atuisimanerminut tunngatillugu katsorsarneqartussanngorluni eqqartuussaavoq. Pineqaatissinneqarnera kingorna 2018-imi atuutsiinnarneqarpoq
Nakorsanit oqaaseqaatit suliamut tunngasut tunuliaqutaralugit Eqqartuussiveqarfik Sermersuumi aaliangertoqarpoq pineqaatissiissut eqqartuussutigineqarsimasoq atuutsiinnarneqassasoq qularalugu eqqartuunneqarsimasup assingusumik pinerluuteqaqqinnissaa.
Eqqartuunneqarsimasup eqqartuussisoqarfiup aaliangiisimanera ingerlateqqippaa pineqaatissiissutip atorunnaarsinneqarnissaa piumasaralugu.
Nunatta Eqqartuussisuuneqarfiata inerniliinera
Illersuisup Nunatta Eqqartuussisuunera maluginiaqquaa eqqartuunneqarsimasup allamik 2015-imili pinerluuteqarsimannginnera aammalu kissaateqartoq ilinniarfimmut ingerlariaqqiffiusumut akuerineqarnissaminut qinnuteqarusulluni.
Nunatta Eqqartuussisuunerata tunuliaqutigineqartut akuersaarpai, eqqartuussisoqarfiup ilanngussimasai, pineqaatissiissutip attatiinnarneqarnissaa maluginiaqqullugulu eqqartuunneqarnikoq februar 2020-imi nakuusersimasutut unnerluutigineqarsimanera tunuartinneqarsimammat.
Ulloq aaliangiiffik
Aaliagiineq oqaatigineqarpoq Nunatta Eqqartuussisuuneqarfiani ulloq 3. august 2020.
Suliap normua: K 113/20