Nakuuserneq pinngitsaaliinerlu - K 004/21

Eqqartuussissut Nunatta Eqqartuussisuuneqarfianit oqaatigineqarpoq ulloq 26. februar 2021.

Unnerluutigineqartoq eqqartuussisoqarfimmit ilaatigut pinngitsaaliilluni pisimasumi pisuutinneqarpoq aamma pisimasut arlallit nakuusernerit pisuutitaaffigivai. Pisimasunilu marlunni nakuusernernut pinngitsuutinneqarluni.

Nunatta eqqartuussisuuneqarfiani suliami pineqartoq tassaavoq, unnerluutigineqartoq pisimasuni allani marlunni nakuusernermut pisuunersoq aamma pisimasumi pinngitsaaliinermut tunngasumi.

Pisimasuni nakuusernermut tunngasuni marlunni, pisimasoq 1 aamma 7, pisimasuni taakkunani pinerlineqartup, arnap pineqartup eqqartuussisoqarfimmi annerusumik oqaluttuarisinnaasimanngilaa pisimasuni taakkunani susoqarsimanersoq. Maannakkut eqqartuussisuuneqarfimmut uppernartumik aamma sukumiisumik nassuiaatigivaa nakuuserfigineqarsimalluni, nakorsap politiinut uppernarsaataanit ikorfartuiffigineqartumik, taanna suliarineqarsimavoq pisimasut taakkua marluk nalunaarutiginerannut atatillugu. Pisimasoq 7-mi nassuiaanera ilaatigut ikorfartuiffigineqarluni aamma unnerluutigineqartup nassuiaataanit ilaatigut taanna sofami qajannaaqqasimanerarlugu.

Taamaalilluni nunatta eqqartuussisuuneqarfiata arnap pineqartup eqqartuussisuuneqarfimmi nassuiaataa pisimasunut ulloq 31. oktober 2018 aamma 30. oktober 2019 tunngavigivai. Tamanna tunngavigalugu uppernarsineqarpoq unnerluutigineqartup pisimasuni oqaatigineqartuni arnaq pineqartoq nakuuserfigisimagaa, unnerluussissutigineqartuni pisimasuni 1 aamma 7-mi, tak. Pinerluttulerinermi inatsimmi 88, taamaattoq imaalillugu, unnerluutigineqartoq pinngitsuutinneqarluni taassuminnga eqqakattaarinnissimanermut.

Unnerluutigineqartoq pisimasoq 13 pillugu – tassani unnerluutigineqarpoq ulloq 2. juli 2020 arnamut pineqartumut pinngitsaaliisimasutut nakuusernermut atatillugu pisuutinneqarfigisami pisimasuni 12 aamma 14-mi – nassuiaavoq, pisimasumut atatillugu eqqaamasaqarani, aamma nalunerarpaa nammineq ajoqusersimanini suminngaaneersuunersut.

Arnaq pineqartoq pisimasoq pillugu ilaatigut nassuiaavoq, unnerluutigineqartup sivikitsumik usuni utsumminut mangussimagaa kisiannili inerfiginani, tamatumalu kingornatigut inussani arlallit utsuinut mangussimagai.

Aamma tassani arnap pineqartup eqqartuussisuuneqarfimmut ulloq 2. juli 2020 pisimasoq pillugu nassuiaavoq sukumiisumik uppernartumillu saqqummiullugit. Nassuiaataalu ikorfartuiffigineqarput tamatuma kingornatigut nakorsamit misissorneqarsimaneranit, tassani paasineqarsimammat utsuisa ammarngani arlalinnik amerasaamigut ammartiterneqarpoq.

Nunatta eqqartuussisuuneqarfiata arnap pineqartup nassuiaareerneratigut tunngavigivaa pisimasumi ulloq 2. juli 2020-mi atoqatiginninneq pisimammat. Nunatta eqqartuussisuuneqarfianit oqaatigineqarpoq – isiginiarneqarluni arnap pineqartup nassuiaataa, tassa unnerluutigineqartoq sivikitsumik usumminik mangussisimasoq aammalu inerfiginngikkaani – tamanna allatut naliliiffigineqarsinnaanngilaq, tassa unnerluutigineqartup DNA-va misissugassami takuneqarsinnaanngimmat, pisimasup kingornatigut arnap pineqartup utsuinit tiguneqarsimasoq.

Taamaattumik nunatta eqqartuussisuuneqarfianit eqqartuussisoqarfiup aalajangigaa, unnerluutigineqartup pinngitsaaliinermi pisuunera pisimasoq 13-mi unnerluutigineqaataa oqaatigineqaratut isumaqatigineqarpoq, tak. Pinerluttulerinermi inatsimmi § 77, imm. 1, nr. 1.

Unioqqutitsinerit isikkui aamma annertussaat pillugit ataatsimut nalilersuereernermi pineqaatissiissutissaq aalajangersarneqarpoq ukiuni pingasuni pineqaatissinneqarsimasunut inissiisarfimmiittussanngortitsinermik. Nunatta eqqartuussisuuneqarfiata aalajangersaanermi pingaartumik pingaartissimavaa, unnerluutigineqartoq pinngitsaaliinermi pisuutinneqarmat aammalu nakuusernerup peqqarniissusia pinngitsaaliinermut atatillugu. Taamatullu aamma eqqartuussisuuneqarfimmit pingaartinneqarput nakuusernermi pisimasut amerlassusaat maannakkut unnerluutigineqartup pisuutitaaffigisai.

Eqqartuussisoqarfiup eqqartuussutaa imatut allanngortinneqarpoq, pineqaatissiissut qaffanneqarpoq ukiuni pingasuni pineqaatissinneqarsimasunut inissiisarfimmiittussanngortitsinermik.

Nunatta eqqartuussisuunneqarfiata eqqartuussisoqarfiup mitagaanermut ajunngitsorsiassat pillugit aalajangigaa isumaqatigivaa.

Taamaattumik eqqartuussisoqarfiup mitagaanermut ajunngitsorsiassat pillugit aalajangigaa atuuttussanngortinneqarpoq.

Suliap normua: K 004/21

Eqqartuussissutit nassuiaatillu