Nakuuserneq - K 083/21

Eqqartuussissut Nunatta Eqqartuussisuuneqarfianit oqaatigineqarpoq ulloq 12. maj 2021. 

Nunatta eqqartuussisuuneqarfianut uppernarsaasiisoqareerneratigut, nunatta eqqartuussisuuneqarfiata uppernarsineqartutut isumaqarfigivaa, unnerluutigineqartup arnaq pineqartoq kiinaatigut annersarsimagaa unnerluussummi oqaatigineqartutut. Pingaartumik nunatta eqqartuussisuuneqarfianit pingaartinneqarpoq arnap nassuiaataa, tamanna ikiorfartuiffigineqarpoq suliami nakorsamit paasissutissiissutinit.

Unnerluussissumi arnap ajoqusernerinut pissutaasut nakuusernerulluunniit pisusia annerusumik allaaserineqarsimanngillat. Unnerluussutip oqaasertalersugaaneratigut, aamma ukiut arfineq aappaata affaa qaangiussimammat kingullermik unnerluutigineqartup eqqartuunneqarfia utaqqisitamik pineqaatissinneqarsimasunut inissiisarfimmiittussanngortinneqarnermik assingusumik pinerluuteqarmut, sanilliunneqarlunilu inuttut atugarisaasa pitsaasuuneri, nunatta eqqartuussisuuneqarfiata aalajangersarpaa nalunaaquttap akunneri 40-t inuiaqatigiinni sulisitaanissaq, tamannalu naammassineqassalluni sivisunerpaaffiulissap qaammatit arfinillit iluanni, tak. pinerluttulerinermi inatsimmi § 88, uniffik siulleq, tak. § 141, imm. 1. Taamatullu aamma unnerluutigineqartup Pinerluttunik Isumaginnittorqarfimmit nakkutigisassanngortinneqarpoq ukiumi ataatsimi, tak. pinerluttulerinermi inatsimmi § 141, imm. 2.

Eqqartuussisoqarfiup eqqartuussutaa atuuttussanngortinneqarpoq imatut allannguuserlugu, pineqaatissiineq aalajangersarneqarluni nalunaaquttap akunneri 40-t inuiaqatigiinni sulisitaanissaq, tamannalu naammassineqassalluni sivisunerpaaffiulissap qaammatit arfinillit iluanni.

Unnerluutigineqartoq Pinerluttunik Isumaginnittorqarfimmit nakkutigisassanngortinneqarpoq ukiumi ataatsimi.

Suliap normua: K 083/21

Eqqartuussissutit nassuiaatillu