Eqqartuussisoqarfiup eqqartuussutaa allanngortinneqarpoq - K 241/21

Eqqartuussissut Nunatta Eqqartuussisuuneqarfianit oqaatigineqarpoq ulloq 12. januar 2022.

Nunatta eqqartuussisuuneqarfia isumaqarpoq ilisimannittut nassuiaataat arlalitsigut assigiinngitsut, taamaakkaluartoq aamma arlalitsigut assigiissuseqarlutik. Taamaattorli eqqartuussisuuneqarfik isumaqarpoq angutip pineqartup sukumiisumik nassuiaataatigut, sanilliunneqarlutik takuneqarsinnaasuni paasissutissat nalunaarutiginninnermi nalunaarusiami, qularnaatsumik uppernarnarsarneqartoq unnerluutigineqartup angut pineqartoq kiinaatigut isassimagaa unnerluussissummi allaaserineqarneratut.

Isiginiarneqarpoq pineqartoq tassaammat politiimut nakuuserneq, taamaattumik ulluni 30-ni pineqaatissinneqarsimasunut inissiisarfimmiittussanngortitsinermik sivisussusiliineq naapertuuttumik sivisussusilerneqarsimasoq.

Pisimasoq piliarineqarsimavoq november 2019-mi. Taamaalilluni ukiut marluk pinerliiffiup piffissap kingorna qaangiusimapput nunatta eqqartuussisuuneqarfiata suliamik suliaqarnissaata tungaanut. Taamaattumik isiginiarneqarput unnerluutigineqartup inuttut atugarissaarnera aamma nakuusernerup pissusia, tassunga ilanngunneqarluni itummamik kasutsineq aqqunarfiunngitsoq, taamaattumik pineqaatissiissut utaqqisitanngortinneqarpoq ukiumik ataatsimik misiligaaffilikkamik, tak, pinerluttulerinermi inatsimmi § 129. Taamaattumik eqqortuussisoqarfiup eqqartuussutaa allanngortinneqarpoq, unnerluutigineqartoq eqqartuunneqarluni ulluni 30-ni pineqaatissinneqarsimasunut inissiisarfimmiittussanngortinneqarluni, taannalu utaqqisitanngortinneqarpoq ukiumik ataatsimik misiligaaffilerneqarluni.

Eqqartuussisoqarfiup eqqartuussutaa allanngortinneqarpoq imaalillugu, unnerluutigineqartoq eqqartuunneqarpoq ulluni 30-ni pineqaatissinneqarsimasunut inissiisarfimmiittussanngortinneqarluni, taannalu utaqqisitanngortinneqarpoq ukiumik ataatsimik misiligaaffilerneqarluni.

Suliap normua: K 241/21

Eqqartuussissutit nassuiaatillu