Eqqartuussut atuuttussanngortinneqarpoq allannguuserlugu - K 050/23

Eqqartuussissut Nunatta Eqqartuussisuuneqarfianit oqaatigineqarpoq ulloq 8. maj 2023.

Naak tunngavigineqaraluartoq unnerluutigineqartoq, nassuiaatigineqartutut imerniartarfiliarsimasoq annertoorujussuarmillu vodkamik imerluni piffissami biilimik ingerlanerup ulloq 6. oktober 2019 nal. 00.42 aamma tigusarineqarnermi nal. 01.30-p akornani, nunatta eqqartuussisuuneqarfia isumaqarpoq nal. 02.00 kingornatigut promille uuttorneqarsimasoq 2,36-mik, akuersaarneqarsinnaanngilaq unnerluutigineqartup biilimik ingerlatsinerup nalaani promilleata 1,2-mik appassinnerusinnaanera. Unnerluussisumit suliap saqqummiunneqarnerani nunatta eqqartuussisuuneqarfianit uppernarsineqanngilaq, unnerluutigineqartup biilimik ingerlatsinerup nalaani promillea 1,5 sinneqarsimassasoq.

Taamaalillunni unnerluutigineqartoq pisuutinneqarpoq imigassamik aalakoornartulimmik imersimalluni ingerlatsisimasutut promilleqarluni 1,2 sinnerlugu kisianni 1,5 ataallugu, tamatumalu kingunerivaa ingerlatsisinnaanermut akuersissummik arsaarneqarmat ukioq ataaseq, tamannalu sivitsorneqassalluni ukiumut ataatsimut qaammatinullu arfilinnut, ingerlatsineq pisimammat biilimik tillitamik.

Akiligassiissutinngorlugu eqqartuussummut atatillugu nunatta eqqartuussisuuneqarfia isumaqarpoq piffissaq suliap suliarineqarneranut atorneqartoq sivisuallaarsimasoq, akiligassiissullu tamakkiisumik atorunnaarsinneqarluni.

Taamatut allannguuserlugu nunatta eqqartuussisuuneqarfianit eqqartuussisoqarfiup eqqartuussutaa atuuttussanngortinneqarpoq.

Eqqartuussisoqarfiup eqqartuussutaa atuuttussanngortinneqarpoq imatut allannguuserlugu, unnerluutigineqartup akilissanngilaa ilassutitut akiligassiissut, aamma unnerluutigineqartoq taamaallaat ingerlatsisinnaanermut akuersissummik arsaarinnissuteqarfigineqassaaq ukiumi ataatsimi aamma qaammatini arfinilinni.

Suliap normua: K 050/23

Eqqartuussissutit nassuiaatillu