Qaammatini pingasuni pineq. inissiisarfimmiittussanngorlugu - K 024/23

Eqqartuussissut Nunatta Eqqartuussisuuneqarfianit oqaatigineqarpoq ulloq 22. maj 2023.

Pinerluutigineqartup peqqarniitsuunera pissutigalugu nunatta eqqartuussisuuneqarfia isumaqarpoq eqqartuussisoqarfiup eqqartuussuteqarneratut unnerluutigineqartoq taamaallaat nakkutiginninnerinnarmik eqqartuunneqarsinnaanngitsoq. Kisianni peqatigitillugu eqqartuussisoqarfik isumaqatigineqarluni unnerluutigineqartoq nakkutigineqarnissamik pisariaqartitsisoq.

Taamaattumik eqqartuussisuuneqarfik isumaqarpoq unnerluutigineqartoq pineqaatissinneqarsimasunut inissiisarfimmiittussanngortinneqartariaqartoq aamma nakkutigisaanertalerlugu imaalillugu, unnerluutigineqartoq qaammatini pingasuni pineqaatissinneqarsimasunut inissiisarfimmiittussanngorlugu aamma Pinerluttunik Isumaginnittoqarfimmit nakkutigineqartussanngorlugu ukiumi ataatsimi, piffissamilu tamatumani Pinerluttunik Isumaginnittoqarfiup aalajangigaanik imigassamut aalakoornartulimmut, aanngaajaarniutinut assigisaanulluunniit katsorsagassanngortinneqassalluni, tak. Pinerluttulerinermik inatsimmi § 145, imm. 1, 1. juli 2022-ip tungaanut atuuttuni oqaasertaliunneqarsimasuni, tak. § 132 aamma § 135 malillugit.

Eqqartuussisut siulittaasuannit eqqartuussisoqarfiup aalajangigaa mitagaanermut ajunngitsorsiassaq pillugu atuuttussanngortinneqarpoq.

Unnerluutigineqartoq eqqartuunneqarpoq qaammatini pingasuni pineqaatissinneqarsimasunut inissiisarfimmiittussanngorlugu aamma Pinerluttunik Isumaginnittoqarfimmit nakkutigineqartussanngorlugu ukiumi ataatsimi, piffissamilu tamatumani Pinerluttunik Isumaginnittoqarfiup aalajangigaanik imigassamut aalakoornartulimmut, aanngaajaarniutinut assigisaanulluunniit katsorsagassanngortinneqarluni.

Eqqartuussisoqarfiup mitagaanermut ajunngitsorsiassaliinermik aalajangiinera atuuttussanngortinneqarpoq.

Suliap normua: K 024/23

Eqqartuussissutit nassuiaatillu