08 jun 2023
Nunatta Eqqartuussisuuneqarfia
Inuiaqatigiinnik sullississaaq nalunaaquttap akunneri 40-t - K 042/23
Arnat marluk 33-nik aappaa 38-nik ukiullit eqqartuunneqarput ulluni 30-ni pineqaatissinneqarsimasunut inissiisarfimmiittussanngortinneqarlutik, taakkua arnat inersimasut marluk peqatigiillutik arnamut allamut saassussisimagamik.
Eqqartuussissut Nunatta Eqqartuussisuuneqarfianit oqaatigineqarpoq ulloq 8. juni 2023.
Nunatta eqqartuussisuuneqarfianit eqartuussisoqarfik isumaqatigineqarpoq, suliami pissutsit aallaavigalugit peqqarniitsumik inatsimmik unioqqutitsisoqarsimammat, aallaavittullu tamanna kinguneqartinneqartarluni utaqqisitaanngitsumik pineqaatissinneqarsimasunut inissiisarfimmiittussanngortinneqarnermik.
Isiginiarneqarluni unnerluutigineqartoq kisiartaalluni illoqutigiinni inersimasortaanera, tassani unnerluutigineqartup meerai ilaallutik, nunatta eqqartuussisuuneqarfia isumaqarpoq unnerluutigineqartoq eqqartuunneqariaqartoq inuiaqatigiinni sulisitaanermik piumasaqaatilikkamik ataani oqaatigineqartutut. Nunatta eqqartuussisuuneqarfiata tamatumunnga atatillugu pingaartippaa Pinerluttunik Isumaginnittoqarfiup oqaaseqaataa kiisalu unnerluutigineqartup akulikitsumik imigassamik aalakoornartulimmik aamma hashimik atuisarnera.
Unnerluutigineqartoq inuiaqatigiinnik sullississaaq nalunaaquttap akunneri 40-t sivisunerpaaffiliussap qaammatit arfinillit ingerlaneranni naammassineqartussamik. Aamma unnerluutigineqartoq Pinerluttunik Isumaginnittoqarfimmit nakkutigineqassaaq ukiumi ataatsimi, piffissamilu tamatumani nakkutilliisussaatitaasut pisarialittut isumaqarfigippassuk imigaasamik aalakoornartilimmik aamma hashimik atuipilunnermut katsorsagaassalluni.
Suliap normua: K 042/23