12 jun 2023
Nunatta Eqqartuussisuuneqarfia
Unnerluutigineqartup akiligassiissut 500 kr.-iusoq akilissavaa - K 126/23
Angut 60-nik ukiulik eqqartuunneqarpoq akiligassiissuteqarfigineqarnermik 1.000 kr.-mik aammalu Aasianni Qatserisartunut taarsiissutitut akilissavai 13.500 kr.-it. Taanna mianersuaalliornikkut igatilluni sinilersimanermigut, tamatumalu kingunerisaanik iga ikuallalersimalluni.
Eqqartuussissut Nunatta Eqqartuussisuuneqarfianit oqaatigineqarpoq ulloq 12. juni 2023.
Oqaatigineqassaaq aalajangersagaq unioqqutinneqartoq eqqortumik tassaammat Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaanni § 38, nr. 1.
Suliap isikkuatigut tunngavissaqanngilaq akiligassiissut atorunnaarsissallugu, kisianni annertussusiliunneqarsimasoq 1.000 kr.-mik, taanna appartinneqarpoq unnerluutigineqartup isertitaanik paasissutissat tunngavigalugit 500 kr.-imut.
Illuatungeriit assigiimmik piumasaqaateqarnerat naapertorlugu unnerluutigineqartoq pinngitsuutinneqarpoq Aasiaat Qatserisartoqarfiannut taarsiissummik akiliisinneqarnissaanut.
Unnerluutigineqartup akiligassiissut 500 kr.-iusoq akilissavaa.
Unnerluutigineqartoq pinngitsuutinneqarpoq Aasiaat Qatserisartoqarfianut taarsiissutitut akiliinissamut 13.500 kr.-inik.
Suliap normua: K 126/23
Eqqartuussissutit nassuiaatillu