12 jul 2023
Nunatta Eqqartuussisuuneqarfia
Pineqaatissiissut allanngortinneqarpoq - K 106/23
Arnaq 53-nik ukiulik eqqartuunneqarpoq ulluni 30-ni pineqaatissinneqarsimasunut inissiisarfimmiittussanngortinneqarnermik, politiitut atisaqartut politiit biiliiniittut sioorasaarlugillu kanngusaaramigit, sulineranni akerartorlugillu mamianartumik oqaluffigigamigit, oqalulluni "tamassi toqussavassi"
Eqqartuussissut Nunatta Eqqartuussisuuneqarfianit oqaatigineqarpoq ulloq 12. juli 2023.
Nunatta eqqartuussisuuneqarfianit eqqartuussisoqarfik isumaqatigineqarpoq, tassa pineqaatissiissut iliuuserisamut taamatut iskkulik aallaavittut aalajangersaaffigineqartariaqartoq ulluni 30-ni pineqaatissinneqarsimasunut inissiisarfimmiittussanngortinneqarnermik. Paasissutissiissutigineqartulli isiginiarneqarlutik unnerluutigineqartup immikkut ittumik inuttut atugarisai pillugit, nunatta eqqartuussisuuneqarfia immikkut illuinnartumik isumaqarpoq illersorneqarsinnaasoq pineqaatissiissutip utaqqisitanngortinneqarsinnaaneranut ulluni 30-ni pineqaatissinneqarsimasunut inissiisarfimmiittussanngortinneqarnermik ukiumik ataatsimik misiligaaffilikkamik. Taamatut allannguuserlugu nunatta eqqartuussisoqarfiata eqqartuussisoqarfiup eqqartuussutaa atuuttussanngortippaa.
Eqqartuussisoqarfiup eqqartuussutaa atuuttussanngortinneqarpoq imatut allannguuserlugu, pineqaatissiissut allanngortinneqarpoq utaqqisitamik ulluni 30-ni pineqaatissinneqarsimasunut inissiisarfimmiittussanngortinneqarnermik. Pineqaatissiissut kinguartinneqarpoq atorunnaassallunilu ukioq ataaseq misiligaaffioreerpat.
Suliap normua: K 106/23
Eqqartuussissutit nassuiaatillu