Nunatsinni eqqartuussisoqarfiit
Suliat ataasiakkaat
Uani atuarsinnaavatit eqqartuussisoqarfimmi suliat ataasiakkaat
Saqitsaannermik suliat
Inuk suliffeqqarfilluunniit saqitsaannermik suliassamik aallartitsisinnaavoq inummik allamik suliffeqarfimmilluuniit aqqiagiinngissummik aalajangiisitsiniarluni.
Ilaqutariinnermi suliat
Ilaqutariinnermut tunngasuni suliat tassaapput ataatassarsiuussinerit, aappariinnermi suliat, angajoqqaatut oqartussaassutsimut tunngasut, peqateqartarnermut aamma oqartussaassusiiaanermut tunngasut.
Ataatassarsiuinerit
Ataataassutsimut anaanaaqataanermullu maleruagassat nutaat:
1. april 2024 aallarnerfigalugu palaseqarfik Naalagaaffiullu Sinniisoqarfia ataataassutsimut anaanaaqataanermullu tunngasunik sulianik isumaginnittalissapput.
Politiit Nuup avataani taamaallaat Naalagaaffiup Sinniisoqarfianut sullississapput.
Meerara april-ip aallaqqaataa 2024 sioqqullugu inunngorsimappat
Meeqqat april-ip aallaqqaataa 2024 sioqqullugu inunngornappat, maleruagassat pisoqqat atuutissapput. Imatut isumaqarpoq politiit suliaq ataataassutsimut tunngasoq aallartissuaat aamma eqqartuussivimmut nassiullugu.
Meeraq inunngorpat
Inunngornerup kingornagut ernisussiortoq inunngorneq pillugu palaseqarfimmut nalunaaruteqassaaq. Tassa palaseqarfiup nalilissavaa ataataassuseq imaluunnit anaanaaqataaneq ingerlaannaq meeqqamut nalunaarsorneqassanersoq.
Ataataassutsimut aamma anaanaaqataanermut nalunaarsuineq
Palaseqarfik meeqqap inunngorneranit sapaatit akunneri sisamat siulliit meeqqamut ataataassuseq nalunaarsorsinnaavaa (aamma ilaannikkut anaanaaqataaneq), katisimagussi nammineq, imaluunniit katisimanngikkussi nalunaarummik atsiornikkut.
Taamaammat pingaaruteqarpoq angajoqaanngorlaat aamma angajoqqaat katinneqanngitsut palaseqarfimmut saaffiginninnissaat ”isumassuinissamik- aamma akisussaaffimmut nalunaarut” atsiorneqassammat – taanna atsiorneq meeqqamut paarsillunilu akisussaasuunissaq ataataasumit anaanaasumillu ataatsimut nalunaarutaavoq.
Ataataassutsimut anaanaaqataanermulluunniit nalornissuteqassaguit, imaluunniit eqqartuussivik aqqutigalugu timip kingornuttangaanik misissuisoqarnissaa kissaatigigukku, palaseqarfiup Naalagaaffiup Sinniisuanut suliaq ingerlatissuaa.
Ilitsersuutit sukumiinerusut Naalagaaffiup Sinniisuata nittartagaani nanikkit:
Akiliisitsiniarnermik suliat
Uppernaasaatissaqaruit aningaasanik akiitsoqarfigineqarlutit eqqartuusummik naammassititsiniaanermi eqqartuussivik noqqaavigisinnaavat akiliisitsiniaqqullugu. Pisariaqartilersinnaavat akiitsoqartoq nammineerluni akiliinngippat.
Toqusimasut pigisaannik suliat - qanigisat toquppat
Qanigisavit arlaat toqukkut qimagussimappat, eqqartuussisoqarfiup kingornussassat agguaannissaat isumagissavaa.
Toqusimasut pigisaannik suliat pillugit atuagassaq
Qanigisatut ilissi ilisineq ilisinermilu aningaasartuutit akilertussaavasi.
Tamatuma kingorna aningaasat utertinneqassapput toqusup pigisaanit naammattumik taakku aningaasartaqarpata. Qanigisaasut arlaata ilisineq akilersinnaanngippagu, kommunip tamanna akilissavaa.
Uppernarsaasiinermik suliat
Uppernarsaasiinermik suliat tassaapput, eqqartuussiviup inuup atsiortup kinaassusaanik uppernarsaasiinera.
Akiliunneqarsinnaavutit
Nammineq aningaasartuutiginagu eqqartuussivilersuussineq isumaqarpoq, saqitsaannermi suliami illuatungiliusutut eqqartuussissuserisumik ikiorneqarnissavit akiliunneqarsinnaanerit aamma suliamut aningaasartuutit pisortanit akilerneqarnissaat.
Nammineq aningaasartuutiginngisamik eqqartuussisulersuussissaguit;
- Suliami ilalerneqarnissat ilimanaateqartariaqarpoq
- Suliassaatit annertujaarlunilu pingaaruteqartariaqarpoq
- Naliginnaasumillu isertitanut piumasaqaatit naammassisimassavatit.
Paasissutissat kingulliit: 22. apriilip 2024