Gå til sidens indhold

Nunatta Eqqartuussisuuneqarfia

02 nov 2021

Nunatta Eqqartuussisuuneqarfia

Allanngortinneqartoq inuiaqatigiinni sulisitaanermut - K 011/19

Angut 54-inik ukiulik Qaasuitsup Eqqartuussivianit marloriarluni nakuusersimasutut pisuutinneqarpoq eqqartuunneqarlunilu ulluni 60-ini inissiisarfimmut inissinneqarnermik.

Nakuusernerit taakku marluk erngunnerup nalaani piliarineqarsimapput oktobarimi 2017-imi, unnerluutigisaq pulaartumut nakuusersimavoq tamatumalu kingorna inooqatigisaminut.

Eqqartuussiviup eqqartuussutaa unnerluutigisamit suliareqqitassanngortinneqarpoq sakkukilliliinissaq piumasaqaatigalugu.

Eqqartuussisuuneqarfiup inerniliinera

Eqqartuussisuuneqarfiup eqqartuussiviup eqqartuussutaa allanngortippaa, unnerluutigisarlu eqqartuullugu inuiaqatigiinni sulisitaasussatut nalunaaquttap akunnerini 80-ini Pinerluttunik isumaginnittoqarfiup erseqqarinnereusumik aalajangersagaa malillugu.

Ataatsimoortumik naliliinerup kingorna siullermik peqqarniitsumik nakuuserneq tulliatullu unnerluutigisap inuttut atugai pitsaasut kiisalu piffissaq sivisooq atorlugu suliap suliarineqarsimanera tunngavigalugit eqqartuussisuuneqarfik isumaqarpoq imminut illersorsinnaasoq pineqaatissiissutaasimasup allanngortinneqarnissaa inuiaqatigiinni sulisitaanissamut.

Ulloq aalajangiiffiusoq

Eqqartuussut Nunatta Eqqartuussisuuneqarfianit oqaatigineqarpoq ulloq 4. februar 2019.

Suliap normua: K 011/19

Nunatta Eqqartuussisuuneqarfiata eqqartuussutaa

Qeqqata eqqartuussiviata eqqartuussutaa

Nassuiaat