11 dec 2020
Nunatta Eqqartuussisuuneqarfia
Ulluni 40-ni inissiisarfimmiittussanngortitsineq - K 090/19
Angut 25-nik ukiulik videolianik marlunnik internetikkoortitsisimanermut Eqqartuussisoqarfimmit Sermersuumit eqqartuunneqarluni ulluni 40-ni inissiisarfimmiittussanngortinneqarsimavoq.
Angutip 25-nik ukiullip taassuma arnallu, videoliornerup nalaani 18-it inorlugit ukiullip, atoqatigiinnerat atoqatigiinnermiillu allaanerusumik tiinganerat videoliani takutinneqarpoq.
25-nik ukiulik taanna aamma eqqartuunneqarpoq mitagaanermut taarsiissutinik kr. 10.000-inik arnamut akiliisussanngortinneqarluni.
Eqqartuussisoqarfiup eqqartuussutaa taanna angummit 25-nik ukiulimmit suliareqqitassanngortinneqarpoq pinngitsuutitsinissaq piumasaqaatigineqarluni.
Eqqartuussisuuneqarfiup inerniliinera
Eqqartuussisoqarfiup eqqartuussutaa eqqartuussisuuneqarfimmit isumaqataaffigineqarpoq. Pineqaatissiissummik sivisussusiliinermi eqqartuussisuuneqarfiup ilaatigut pingaartippaa videoliat nittartakkamut tamanit alakkarneqarsinnaasumut ilineqarsimanerat. Tamatuma saniatigut suliamik suliaqarnerup sivisuumik ingerlasimanera pingaartinneqarpoq.
Narrunarsaanerit peqqarniitsuunerat narrunarsaanerillu kingunerisimasaat tunngavigalugit eqqartuussisuuneqarfik aalajangerpoq mitagaanermut taarsiissutit kr. 20.000-inut qaffanneqassasut.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 28. august 2019.
Suliap normua: K 090/19
Nunatta Eqqartuussisuuneqarfiata eqqartuussissutaa
Sermersuup eqqartuussiviata eqqartuussissutaa