15 dec 2020
Nunatta Eqqartuussisuuneqarfia
Qaammatini 8-ni inissiisarfimmiittussanngortinneqartoq - K 020/20
Eqqartuussisoqarfiup eqqartuuppaa angut 48-nik ukiulik panissaminik taamanikkut 14-inik ukiulimmik akiuuteriarsinaanngitsumik, unnerluutigineqartup angerlarsimaffiani madrassimi sinittumik, atoqateqarsimanermut qaammatini arfineq-pingasuni inissiisarfimmiittussanngortillugu,
naleqq. pinerluttulerinermi inatsimmi § 77, imm. 1, nr. 2, naleqq. § 79. Unnerluutigineqartoq akiuuteriarsinnaanngitsumik atoqateqarsimannginnerarpoq, nassuiaavorlu pinerlineqartoq nammineq atisaajarsimasoq, tamannalu ussernartorsiulissutigisimallugu. Eqqartuussisoqarfiulli pinerlineqartup nassuiaataa toqqammavigalugu uppernarsarneqarsorisimavaa taanna itisuumik sinissimasoq, itersimasorlu unnerluutigineqartup usuni utsumminut mangullugu aalatikkaa. Eqqartuussisoqarfiup unnerluutigineqartoq pinerlineqartumut katillugit kr. 80.000-inik mitagaanermut taarsiissutinik akiliisussanngortissimavaa.
Eqqartuussisuuneqarfiup inerniliinera
Eqqartuussisuuneqarfiup aamma uppernarsarneqarsimasoraa pinerlineqartoq atisaqarluni madrassimi sinissimasoq, itersimasorlu anniartorujussuulluni unnerluutigineqartup kujakkaani, atisaajarneqarsimallunilu. Eqqartuussisuuneqarfiup tunngaviutippaa, atoqateqarneq aallartimmat pinerlineqartoq itisuumik sinissimasoq, atoqateqarnerlu taanna akuersitinnagu pisimasoq. Eqqartuussisoqarfiup pineqaatissiissutaa atuutttussanngortinneqarpoq. Eqqartuussisuuneqarfiup mitagaanermut taarsiissutit kr. 55.000-inut appartippai.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 4. juni 2020
Suliap normua: K 020/20