22 nov 2022
Nunatta Eqqartuussisuuneqarfia
Eqqartuussisoqarfiup eqqartuussutaa atuuttussanngortinneqarpoq - K 199/22
Angut 36-nik ukiulik eqqartuunneqarpoq ulluni 30-ni inissiisarfimmiittussanngorlugu, kanngunartumik pissuseqarluni panini, inuusoq 25. september 2006, kanngutsaatsuliorfigigamiuk, qarlii peeriaraluaramigit, kinguninngualu atisaata qaatavigut nalikkaavisa nalaatigut attuualaarlugu.
Eqqartuussissut Nunatta Eqqartuussisuuneqarfianit oqaatigineqarpoq ulloq 22. november 2022.
Uppernarsaasiissuteqartoqareerneratigut nunatta eqqartuussisuuneqarfiata eqqartuussisoqarfiup uppernarsaasiissutinik naliliinera aamma tunngavilersuinera isumaqatigivaa.
Taamaattumik isumaqartoqarluni pineqaatissiissut naapertuuttumik aalajangersaaffigineqarsimasoq.
Eqqartuussisut siulittaasuata mitaagaanermut ajunngitsorsiassap annertussusilerneqarnera isumaqatigivaa, tassanilu periusiusartoq malinneqarsimavoq.
Taamaalilluni eqqartuussisoqarfiup eqqartuussutaa nunatta eqqartuussisuuneqarfianit atuuttussanngortinneqarpoq.
Suliap normua: K 199/22
Eqqartuussissutit nassuiaatillu