15 mai 2023
Nunatta Eqqartuussisuuneqarfia
Eqqartuussisoqarfiup eqqartuussutaa atuuttussanngortinneqarpoq - K 020/23
Angut 46-nik ukiulik eqqartuunneqarpoq qaammatini sisamani pineqaatissinneqarsimasunut inissiisarfimmiittussanngortinneqarnermik aammalu akiligassinneqarluni niviarsiaqqap mitagaaneranut ajunngitsorsiassanik 20.000 kr.-inik. Niviarsiaraq inuusoq 28. April 2007, kannguttaatsuliorfigigamiuk.
Eqqartuussissut Nunatta Eqqartuussisuuneqarfianit oqaatigineqarpoq ulloq 15. maj 2023.
Nunatta eqqartuussisuuneqarfiata eqqartuussisoqarfik assigalugu isumaqarput niviarsiaqqap nassuiaanera videokkut apersorneqarnermini uppernartorujussuusoq aammalu qularnaatsumik anaanami aappakua unnerluutigineqartoq pinerliisutut kinaassusersillugu tanna kiinnamigut kakiortinneqarnerarlugu. Aamma nassuiaatigineqartoq, aamma eqqartuussisoqarfimmit oqaatigineqartutut, ikorfartuiffigineqarmat ilisimannittup nassuiaaneranit ilaatigut unnerluutigineqartoq sofami niviarsiaqqap saniani sinissimasoq, imaanngitsorlu unnerluutigineqartup nassuiaaneratut taanna natermi sinissimasoq, nunatta eqqartuussisuuneqarfiata isumaqatigivaa, unnerluutigineqartup pisuutinneqarnera taamatut pisoqarsimasutut.
Oqaatigineqassaaq nunatta eqqartuussisuuneqarfianit retsgenetiskemik misissuinerit pingaarutilittut isumaqarfigineqanngimmata, isiginiarneqarluni inernerisa nalorninartoqartinneqarnerat tassunga atatillugu.
Aamma nunatta eqqartuussisuuneqarfiata isumaqatigivaa pineqaatissiissutitut eqqartuussut, taamatullu aamma eqqartuussisut siulittaasuat isumaqataavoq pisimasumi mitagaanermut ajunngitsorsiassamik annertussusiliinermut.
Taamaattumik eqqartuussisuuneqarfimmit eqqartuussisoqarfiup eqqartuussutaa atuuttussanngortinneqarpoq.
Suliap normua: K 020/23
Eqqartuussissutit nassuiaatillu