04 jul 2023
Nunatta Eqqartuussisuuneqarfia
Ilisarisimariikkamik pinngitsaaliineq - K 125/23
Angut 32-nik ukiulik Qeqqata Eqq. eqqartuunneqarpoq ukiumi ataatsimi qaammatinilu qulingiluani inissiisarfimmiititaassasoq, nakuuserluni imaluunniit nakuusernissamik sioorasaaraluni arnaq pinngitsaalillugu atoqatigigamiuk, unnerluutigineqartoq peqquneqarani arnap angerlarsimaffianut iseriarluni.
Eqqartuussissut Nunatta Eqqartuussisuuneqarfianit oqaatigineqarpoq ulloq 4. juli 2023.
Unnerluutigineqartoq eqqartuunneqarpoq ilisarisimariikkamik pinngitsaaliinermut aamma angerlarsimaffimmi eqqissiviilliortitsinermut pinerlisap angerlarsimaffianut pisussaanani isersimalluni nakuusernertalimmillu marloriarluni pinerlisaq pinngitsaalillugu atoqatigisimallugu. Nunatta eqqartuussisuuneqarfianit eqartuussisoqarfik isumaqatigineqarpoq, tassa unioqqutitsineq taamatut isikkulik tassaasarmat pineqaatissinneqarsimasunut inissiisarfimmiittussanngortinneqartarneq. Unnerluutigineqartup inuttut atugarisaasa pitsaasuuneri oqaatigineqartut tamatuminnga allannguinngilaq.
Paasissutissat pisimasup peqqarniissusianut, tassunga ilanngullugu piffissaq sivisuup iluani pisimanera, aamma annikitsuinnaanngitsumik nakuusertoqarsimanera, aamma pinerlisap ajoquserneri oqaatigineqartut tunngavigalugit eqqartuussisoqarfiup eqqartuussutaa nunatta eqqartuussisuuneqarfianit atuuttussanngortinneqarpoq pineqaatissinneqarsimasunut inissiisarfimmiittussanngortinneqarnermik ukiumi ataatsimi qaammatinilu qulingiluani.
Eqqartuussut mitagaanermut ajunngitsorsiassaliissut 100.000 kr.-iusoq assortorneqanngilaq, atuuttussanngortinneqarporlu.
Eqqartuussisoqarfiup eqqartuussutaa atuuttussanngortinneqarpoq.
Suliap ormua: K 125/23
Eqqartuussissutit nassuiaatillu