25 apr 2023
Nunatta Eqqartuussisuuneqarfia
Eqqartuussisoqarfiup eqqartuussutaa atuuttussanngortinneqarpoq - K 108/23
Arnaq 33-nik ukiulik Eqqartuussisoqarfik Sermersuumit eqqartuunneqarpoq utaqqisitamik ulluni 30-ni pineqaatissinneqarsimasunut inissiisarfimmittussanngortinneqarnissaanik ukiumik ataatsimik misiligaaffilikkamik, taanna arnaqatiminut pingasunut nakuusersimagami.
Eqqartuussissut Nunatta Eqqartuussisuuneqarfianit oqaatigineqarpoq ulloq 25. april 2023.
Ilisimannittunit ataqagiissumik sukumiisumik uppernartumilli nassuiaasoqareerneratigut, suliamilu paasissutissanit, assinit takutinneqartunit, aamma nakorsap paasissutissiissutaasigut ikorfartorneqartunit, nunatta eqqartuussisuuneqarfianut uppernarsineqarpoq, unnerluutigineqartoq ima annertutigisumik nakuusersimasoq, eqqartuussisoqarfimmit eqqartuussaassutigisaminik.
Naak nakuuserneq perulluliortoqarneratigut pisimagaluartoq, eqqartuussisuuneqarfik isumaqarpoq unnerluutigineqartumit pinerluttulerinermik inatsimmik unioqqutinneqarsimasoq, nassuiaatigineqartut tunngavigalugit isigineqartariamat saassussisuusutut, perulliorneq annermik pissuteqarmat, najuuttunit unnerluutigineqartup peersinneqarsinnaasimannginnera pinerlineqartumit.
Pineqartut tassaapput killilimmik annertussusillit nakuusernerit pisimasut marluk, taakkualu killilimmik kinguneqarsimallutik, aammalu naapertuutinngitsumik sivisuallaamik suliap suliarineqarsimanera pissutigalugu eqqartuussisoqarfiup eqqartuussutaa tamakkiisumik atuuttussanngortinneqarpoq.
Eqqartuussisoqarfiup eqqartuussutaa atuuttussanngortinneqarpoq.
Suliap normua: K 108/23